साथै अब नेपाली दूतावासबाट नै पुनःश्रमस्वीकृति जारी गर्ने समेत निर्णय भएको छ । श्रम मन्त्रालयले वैदेशिक रोजगार विभागबाट हुँदै आएको पुनः श्रमस्वीकृतिको अधिकारलाई नेपाली दूतावासमा प्रत्यायोजन गरेको छ । यो प्रत्यायोजनसंगै अब विदेशमा रहेका नेपालीहरुले श्रम गर्न नेपाल आईराख्नु पर्ने बाध्यता हटेको छ । बिदेशमा रहेका नेपालीहरुले बिमा र कल्याणकारी कोषको रकम तिरेर दुतावासबाटै पुन: श्रम स्वीकृति लिन पाउने भएका छन् ।
वैदेशिक रोजगारको क्रममा रहँदा पुन:श्रम स्वीकृति नलिएको पुन:श्रम स्वीकृति लिने कुरा प्रभावकारी रुपमा कार्यान्वयनमा नआएको कारण धेरै नेपालीहरुले अनावश्यक दुख पाएको, वैदेशिक रोजगारको क्रममा पाउनुपर्ने राहत तथा उद्दारमा समेत कठिनाई भएको अवस्थालाई ध्यानमा राखेर विदेशमा रहेको नियोगबाटै पुन: श्रम स्वीकृति जारी गर्ने अधिकार प्रत्यायोजन गरिएको बिज्ञप्तिमा उल्लेख छ ।